बसन्त पञ्चमी तथा सरस्वती पूजाको सुअवसर पारेर यस पालिका अन्तर्गतका सामुदायिक माध्यमिक विद्यालयमा अध्ययनरत विद्यार्थीहरूको सहभागिता रहने गरी पालिका स्तरीय हाजिरी जवाफ प्रतियोगिता आयोजना सम्पन्न भएको छ । प्रतियोगितामा ११ वटा माध्यमिक विद्यालयको सहभागिता रहेको थियो ।

सो प्रतियोगितामा श्री जनता माध्यमिक विद्यालय रागेचौरले प्रथम स्थान हासिल गरी रकम रु. १५००० तथा प्रमाणपत्र हात पार्न सफल भएको छ । त्यसै गरी दोस्रो स्थान हासिल गरी बुद्ध जनकल्याण माध्यमिक विद्यालय, बडागाउँले रकम रु. १०००० तथा प्रमाणपत्र हात पार्न सफल भएको छ । त्यसै गरी तेस्रो स्थान हासिल गरी जनकल्याण माध्यमिक विद्यालय, बडागाउँले रकम रु. ५००० तथा प्रमाणपत्र हात पार्न सफल भएको छ । सो प्रतियोगितामा कुमाख गाउँपालिकाका उपाध्यक्ष श्री लाल बहादुर रावत, प्रमुख प्रशासकीय अधिकृत श्री राजेन्द्र कुमार चन्द, योजना तथा अनुगमन अधिकृत मान बहादुर रावत, ६ नम्बर वडाध्यक्ष श्री कर्ण बहादुर बि.क., रोजगार संयोजक श्री जीवन शर्मा, शिक्षा शाखा प्रमुख श्री दीपक कुमार चन्द, ३ नम्बर वडा सचिव श्री निराजन केसी लगायत कर्मचारीहरु र बिभिन्न विद्यालयका प्रधानाध्यापकहरुको सहभागिता रहेको थियो।

बिजेता तथा सहभागिता सबैलाई हार्दिक

बधाई तथा धन्यवाद।